Жүзуден және волейболдан қала біріншілігі өтті

Қалада жүзуден және волейболдан ашық біріншілік ұйымдастырылды, деп хабарлайды Aktobenews.kz тілшісі.

Жарысқа «Sayahat» жағажайына келген кез келген ақтөбелік қатыса алды.
Шаһар басшысы Мавр Абдуллин спорттық шараны құттықтау сөзімен ашып, қатысушыларға сәттілік тіледі.

Жүзуден сайысқа қатысқандар үш жас санаты бойынша іріктелді. 18-35 жас санаты бойынша Алексей Швивцев абсолютті чемпион атанды. 36-49 жас санаты бойынша қалалық бөлімінің басшысы Евгений Гончаров мәреге бірінші боп жүзіп келді. Ал қалада болатын барлық спорттық шараларға қатысатын Владимир Михайлов 50 және одан жоғары жас санаты бойынша үздік атанды.

Қыздар арасында 3 шақырымға жүзген Нұргүл Орынбасар ерекше көзге түсті.

Барлық қатысушыларға мәреге жеткендері үшін медаль табысталды, ал жеңімпаздарға 10 мың теңгенің сертификаты сыйға берілді.

Пікір қалдырыңыз

Просмотров: